चला सक्षम उद्योजक घडवूया

शेतकरी रात्रंदिवस मेहनत करतो, पण त्याच्याकडे आधुनिक तंत्रज्ञान नसते. तरुणांना योग्य मार्गदर्शन मिळत नाही. महिलांसाठी योग्य मंच उपलब्ध नसतो. सरकारी योजना गावागावांत पोहोचत नाहीत. या सर्व अडचणींमुळे एक प्रश्न उभा राहतो - आपल्या समाजात क्षमता आहे, पण त्या क्षमतेला पंख कोण देणार?

याच प्रश्नातून आणि या वेदनेतून जन्म झाला सक्षम डिजिटल युवा फाउंडेशनचा. आम्ही संकल्प केला आहे की डिजिटल क्रांती गावोगावी पोहोचवायची, रोजगार आणि उद्योजकतेच्या नव्या संधी निर्माण करायच्या, युवकांना कौशल्य प्रशिक्षण द्यायचं, महिला-पुरुष समानतेला बळ द्यायचं आणि शेतकऱ्यांना तंत्रज्ञानाशी जोडायचं.